ಬೆಳಗಾವಿ : ನಗರ ಪ್ರದೇಶದಲ್ಲಿನ ವಿದ್ಯುತ್ ಬಳಕೆದಾರರು ತಾವು ಬಳಕೆ ಮಾಡಿದ ವಿದ್ಯುತ್ ಬಿಲ್‌ನ್ನು ನೇರವಾಗಿ ಬಂದು ನಿಗಧಿತ ಕೇಂದ್ರಗಳಲ್ಲಿ ಪಾವತಿಸಬಹುದಾಗಿದೆ. ಈ ಹಿಂದೆ ಬಿಲ್ ಪಾವತಿಗಾಗಿ ಗೂಗಲ್ ಪೇ, ಪೋನ್ ಪೇ, ಪೇಟಿಎಮ್ ಬಳಕೆ ಮಾಡಲಾಗುತ್ತಿತ್ತು. ಸದ್ಯ ಆನ್‌ಲೈನ್ ಸೇವೆಗಳು ತಾತ್ಕಾಲಿಕವಾಗಿ ಸ್ಥಗಿತವಾಗಿವೆ. ಆದ್ದರಿಂದ ವಿದ್ಯುತ್ ಬಿಲ್ ಪಾವತಿಸುವ ಬಳಕೆದಾರರು ಇನ್ನು ಮುಂದೆ ಹೆಸ್ಕಾಂ ವೆಬ್‌ಸೈಟ್, ಬೆಳಗಾವಿ ಒನ್, ನಗರ ಉಪವಿಭಾಗದಗಳ ನಗದು ಕೌಂಟರಗಳಲ್ಲಿ ಅಥವಾ ಎಟಿಪಿ ಕೌಂಟರ್‌ಗಳಾಗಿರುವ ನಗರ ಉಪವಿಭಾಗ ಕಚೇರಿಗಳಲ್ಲಿ, ಖಂಜರ ಗಲ್ಲಿ, ಖಾಸಬಾಗ, ಗೋವಾವೇಸ್, ಶಹಪೂರ ಹಾಗೂ ಉದ್ಯಮಬಾಗ ಕೇಂದ್ರಗಳಲ್ಲಿ ಪಾವತಿಸಬಹುದಾಗಿದೆ ಎಂದು ನಗರ ವಿಭಾಗದ ಕಾರ್ಯ ಮತ್ತು ಪಾಲನೆ ಕಾರ್ಯನಿರ್ವಾಹಕ ಅಭಿಯಂತರರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.