ಬೆಳಗಾವಿ: ಪತ್ನಿ ಮೇಲೆ ಕಣ್ಣು ಹಾಕಿದ್ದಕ್ಕೆ ಮಾವನೊಬ್ಬ ಅಳಿಯನನ್ನು ಕತ್ತು ಹಿಸುಕಿ ಹತ್ಯೆಗೈದಿರುವ ಘಟನೆ ರಾಮದುರ್ಗ ತಾಲೂಕು ಸುನ್ನಾಳ ಗ್ರಾಮದಲ್ಲಿ ನಡೆದಿದೆ.
ನೀಲಪ್ಪ ರೋಗನ್ನವರ (28) ಮೃತ ದುರ್ದೈವಿ. ಆರೋಪಿ ಫಕೀರಪ್ಪ ಮನಿಹಾಳ ಕೊಲೆಗೈದ ಮಾವ, ಡ್ರಾಮಾ ಮಾಡಲು ಹೋಗಿ ಪೊಲೀಸ್ ರ ಕೈಗೆ ತಗಲಾಕೊಂಡಿದ್ದಾರೆ. ಅಳಿಯನ ಕತ್ತು ಹಿಸುಕಿ ಕೊಲೆ ಮಾಡಿದ್ದಾನೆ. ಯಾವುದೇ ಅನುಮಾನ ಬಾರದಂತೆ ಬೈಕ್ ಅಪಘಾತ ಎಂದು ಬಿಂಬಿಸಲು ಮಾವ ಫಕೀರಪ್ಪ ಯತ್ನ ಮಾಡಿದ್ದಾನೆ. ಆರೋಪಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ನಿಜಾಂಶ ಬಯಲಿಗೆ ಬಂದಿದೆ. ಕಟಕೊಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.