ಸೋಲು-ಗೆಲುವು ದೇವರ ಇಚ್ಛೆ, ಅರಾಮಾಗಿರಿ ಲಕ್ಷ್ಮಣ ಅಣ್ಣಾ: ಸವದಿಗೆ ಚಾಟಿ ಬಿಸಿದ ರಮೇಶ
ಬೆಳಗಾವಿ: ಹಾಲಿ ಶಾಸಕರಾದ ಮಹೇಶ ಕುಮಠಳ್ಳಿಗೆ , ಶ್ರೀಮಂತ ಪಾಟೀಲ ಹಾಗೂ ಬಿಜೆಪಿ ಸೇರಿದ ವಲಸಿಗರಿಗೂ ಟಿಕೆಟ್‌ ಸಿಗುವುದು ನನಗೆ ನೂರಕ್ಕೆ ನೂರರಷ್ಟು ಗ್ಯಾರಂಟಿ ಇದೆ ಎಂದು ಶಾಸಕ ರಮೇಶ್ ಜಾರಕಿಹೊಳಿ ಸ್ಪಷ್ಟನೆ ನೀಡಿದರು.
ಮಹಾರಾಷ್ಟ್ರದ ಶಿನ್ನೊಳ್ಳಿ ಗ್ರಾಮದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಬಿಜೆಪಿ ಅಧಿಕಾರಕ್ಕೆ ತರುವಲ್ಲಿ ಪ್ರಮುಖ ಪಾತ್ರ ವಹಿಸಿದ 17 ಶಾಸಕರಿಗೂ ಬಿಜೆಪಿ ಹೈಕಮಾಂಡ್ ಆಶೀರ್ವಾದ ಮಾಡಲಿದೆ ಎಂದು ಹೇಳಿದರು.
ಲಕ್ಷ್ಮಣ ಅಣ್ಣಾ ಹತಾಶೆ ಆಗ್ತಿರೋದೆಕೆ ಕಾರಣ ಗೊತ್ತಾಗುತ್ತಿಲ್ಲ, ನಮಗೆ ವರಿಷ್ಠರಿದ್ದಾರೆ. ಅವರ ಮುಂದೆ ನಾವು ಗಿಡದ ತಪ್ಪಲು ಎಂದ ಅವರು, ನಮ್ಮ ರಾಷ್ಟ್ರೀಯ ನಾಯಕರು ಹೆಮ್ಮರವಾಗಿದ್ದಾರೆ. ಸೋಲು-ಗೆಲುವು ದೇವರ ಇಚ್ಛೆ, ಏಕೆ ಇಷ್ಟು ಚಡಪಡಿಸುತ್ತಿದ್ದೀಯಾ? . ಅರಾಮಾಗಿರಿ ಎಂದು ಲಕ್ಷ್ಮಣ ಸವದಿಗೆ ಮಾಜಿ ಸಚಿವ ರಮೇಶ ಜಾರಕಿಹೊಳಿ ಅವರು ಚಾಟಿ ಬಿಸಿದ್ದಾರೆ.