ಪ್ರಧಾನಿ ಮೋದಿ ದಕ್ಷಿಣ ದಂಡಯಾತ್ರೆ: ಮೇ. 6 ರಂದು ಬೆಂಗಳೂರಿನಲ್ಲಿ ಮೆಗಾ ರೋಡ್ ಶೋ

ಪ್ರಧಾನಿ ಮೋದಿ ದಕ್ಷಿಣ ದಂಡಯಾತ್ರೆ: ಮೇ. 6 ರಂದು ಬೆಂಗಳೂರಿನಲ್ಲಿ ಮೆಗಾ ರೋಡ್ ಶೋ

ಬೆಂಗಳೂರು : ಬೆಂಗಳೂರಿನಲ್ಲಿ ಮೇ 6ರಂದು ಪ್ರಧಾನಿ ನರೇಂದ್ರ ಮೋದಿ ಮೆಗಾ ರೋಡ್‌ ಶೋ ನಡೆಯಲಿದ್ದು,ಎರಡು ದಿನಗಳ ಬದಲಾಗಿ ಒಂದೇ ದಿನ ಬೃಹತ್‌ ರೋಡ್‌ ನಡೆಸಲಿದ್ದಾರೆ ಎಂದು ವರದಿಯಾಗಿದೆ.

ಪ್ರಧಾನಿ ನರೇಂದ್ರ ಮೋದಿ ಬೆಂಗಳೂರಲ್ಲಿ ಬೆಳಗ್ಗೆ ಮತ್ತು ಸಂಜೆ ರೋಡ್‌ ಶೋ ನಡೆಸಲಿದ್ದು, ಬೆಳಗ್ಗೆ 8ಕಿ.ಲೊ ಮೀಟರ್‌, ಸಂಜೆ 28 ಕಿ.ಲೋ ಬೃಹತ್‌ ರೋಡ್‌ ಶೊ ನಡೆಸಲಿದ್ದಾರೆ ಎಂಬ ಪ್ಲ್ಯಾನ್‌ ಮಾಡಲಾಗಿದೆ.

ಬೆಳಗ್ಗೆ ಸಿಲಿಕಾನ್‌ ಸಿಟಿ ಬೆಂಗಳೂರಿನ ಸಿ.ವಿ ರಾಮನ್‌ ನಗರದಿಂದ ರೋಡ್‌ ಶೋ ಆರಂಭವಾಗಲಿದೆ. ಬ್ರಿಗೇಡ್‌ ರೋಡ್‌ನಲ್ಲಿ ಮೋದಿ ರೋಡ್‌ ಶೋ ಅಂತ್ಯವಾಗುವ ಸಾಧ್ಯತೆಯಿದೆ.

ಮೇ.6ರಂದು ಕೋಣನಹುಂಟೆಯಿಂದ ರೋಡ್‌ ಶೊ ಆರಂಭಗೊಂಡು, ಜಯನಗರ, ಗಾಂಧಿ ಬಜಾರ್‌, ಶಾಂತಿನಗರ, ಬಿನ್ನಿಮಿಲ್‌ ಮಾಗಡಿ ರಸ್ತೆ, ಟೋಲ್‌ ಗೇಟ್‌, ದಾಸರಹಳ್ಳಿ, ಹೌಸಿಂಗ್‌ ಬೋರ್ಡ್‌ ಬಸವೇಶ್ವರ ನಗರ, ನವರಂಗ್‌, ಮಲ್ಲೇಶ್ವರಂ,ಸಂಪಿಗೆ ರಸ್ತೆ ಸರ್ಕಲ್‌ ಮಾರಮ್ಮ, ದೇವಸ್ಥಾನದವರೆಗೆ ಪ್ರಧಾನಿ ರೋಡ್‌ ಶೋ ನಡೆಸುವ ಸಾಧ್ಯತೆಯಿದೆ.

ಬೆಂಗಳೂರಿನಲ್ಲಿ ಒಟ್ಟು 23 ಕ್ಷೇತ್ರಗಳು ಒಳಪಡುವಂತೆ ರೋಡ್‌ ಶೋ ನಡೆಸಲಿದ್ದಾರೆ. ಪ್ರಧಾನಿ ಮೋದಿ ರೋಡ್‌ಶೋಗೆ ಈಗಾಗಲೇ ಬಿಜೆಪಿ ಭರ್ಜರಿ ಸಿದ್ದತೆಯನ್ನು ನಡೆಸುತ್ತಿದೆ.