ಬೆಳಗಾವಿ: ಅಂಬಡಗಟ್ಟಿ ಕ್ರಾಸ್ ನಲ್ಲಿ ಮಹಿಳೆ ಒಬ್ಬಳು ರಸ್ತೆ ದಾಟುತ್ತಿರುವ ವೇಳೆ ಕಾರು ಡಿಕ್ಕಿ ಹೊಡೆದ ಪರಿಣಾಮ ಮಹಿಳೆಗೆ ಗಂಭೀರ ಗಾಯವಾದ ಘಟನೆ ರಾಷ್ಟ್ರೀಯ ಹೆದ್ದಾರಿಯ 4 ರಲ್ಲಿ ನಡೆದಿದೆ.
ಗಂಭೀರ ಗಾಯವಾದ ಮಹಿಳೆಯನ್ನು ಬೆಳಗಾವಿ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಗಾಯಾಳು ಮಹಿಳೆ ಬೈಲಹೊಂಗಲ ತಾಲ್ಲೂಕಿನ ಮುನವಳ್ಳಿ ಗ್ರಾಮದ ಅಂಜುಮ ಪಟೇದ ಎಂದು ತಿಳಿದು ಬಂದಿದೆ. ಅಂಜುಮ ಅಂಬಡಗಟ್ಟಿ ಕ್ರಾಸ್ ನಲ್ಲಿ ರಾಷ್ಟ್ರೀಯ ಹೆದ್ದಾರಿಯ ರಸ್ತೆಯನ್ನು ದಾಟುವಾಗ ಧಾರವಾಡ ಕಡೆಯಿಂದ ವೇಗವಾಗಿ ಬರುತ್ತಿರುವ ಕಾರೊಂದು ಮಹಿಳೆ ಮೇಲೆ ಹಿರಿದಿದೆ. ಮಹಿಳೆಯು ತೀವ್ರಗಾಯಗೊಂಡಿದ್ದಾರೆ ಎನ್ನಲಾಗಿದೆ.
ಕಿತ್ತೂರು ಪೊಲೀಸ್‌ ಠಾಣೆಯ ವ್ಯಾಪಿಯಲ್ಲಿ ಈ ಘಟನೆ ನಡೆದಿದೆ.