ಬೆಳಗಾವಿ: ಖಾನಾಪೂರ ತಾಲೂಕಿನ ಭೀಮಗಡ ವನ್ಯಜೀವಿ ವ್ಯಾಪ್ತಿಯಲ್ಲಿ ಪರಿಸರಪರ ಪ್ರವಾಸೋದ್ಯಮವನ್ನು ಆರಂಭಿಸುವ ಯೋಜನೆಯಿದೆ ಎಂದು ಬೆಳಗಾವಿ ಜಿಲ್ಲಾಧಿಕಾರಿ ಮೊಹಮ್ಮದ್ ರೋಷನ್ ತಿಳಿಸಿದ್ದಾರೆ.
ಸಫಾರಿ ಯೋಜನೆ ಅಭಯಾರಣ್ಯದ ದಟ್ಟ ಅರಣ್ಯ ಪ್ರದೇಶದಲ್ಲಿ ಅಲ್ಲದೆ, ಬಫರ್ ಝೋನ್‌ನಲ್ಲಿ ಮಾಡಲಾಗುತ್ತಿದೆ ಎಂದು ಅವರು ಸ್ಪಷ್ಟಪಡಿಸಿದರು.
ವರ‍್ತಾ ಭವನದಲ್ಲಿ ಬೆಳಗಾವಿ ಮೀಡಿಯಾ ಅಸೋಸಿಯೇಷನ್ ಆಯೋಜಿಸಿದ್ದ ‘ಮೀಡಿಯಾ ಸಂವಾದ’ ಕಾರ‍್ಯಕ್ರಮದಲ್ಲಿ ಅವರು ಮಾತನಾಡಿದರು. “ಸಫಾರಿ ಯೋಜನೆಗಾಗಿ ನಾವು ಆಶ್ರಯದ ಒಂದು ಸಣ್ಣ ಭಾಗವನ್ನು ಆಯ್ಕೆ ಮಾಡಿಕೊಂಡಿದ್ದೇವೆ. ಅಲ್ಲಿ ಈಗಾಗಲೇ ರಸ್ತೆ ಇದೆ, ಸಫಾರಿಗೆ ಸೂಕ್ತವಾಗಿದೆ. ವಾಯುಮಾಲಿನ್ಯ ತಡೆಗಟ್ಟಲು ಡೀಸಲ್ ವಾಹನಗಳನ್ನು ಬಳಸದೆ, ಕೇವಲ ವಿದ್ಯುತ್ ಚಾಲಿತ ವಾಹನಗಳನ್ನು ಬಳಸಲಾಗುತ್ತದೆ. ಈ ಯೋಜನೆಯ ಮೂಲಕ ಯುವ ಪೀಳಿಗೆಗೆ ಕಾಡಿನ ಬಗ್ಗೆ ನೈಜ ಅನುಭವ ದೊರೆಯುತ್ತದೆ,” ಎಂದರು.
ಅದೇ ವೇಳೆ, ಅರಣ್ಯ ನಿವಾಸಿಗಳ ಪುರ‍್ವಸತಿ ಮತ್ತು ಸಫಾರಿ ಯೋಜನೆ ಎರಡನ್ನೂ ಪರಸ್ಪರ ಸಂಬಂಧಿತವೆಂದು ಮಿಡಿಯಾ ಭಾವಿಸಬಾರದು ಎಂದು ಜಿಲ್ಲಾಧಿಕಾರಿ ವಿನಂತಿಸಿದರು. “ಅವರ ಪುರ‍್ವಸತಿ ಅರಣ್ಯ ಸಂರಕ್ಷಣೆಗೆ ನೆರವಾಗುವುದಕ್ಕಾಗಿ ಅಲ್ಲ. ಅವರಿಗೆ ಶಾಶ್ವತವಾಗಿ ರ‍್ಕಾರದ ಸೌಲಭ್ಯಗಳು ಲಭ್ಯವಾಗದ ಹಿನ್ನೆಲೆಯಲ್ಲಿ, ಭದ್ರತೆಯ ದೃಷ್ಟಿಯಿಂದ ಬಫರ್ ಝೋನ್ ಕಡೆಗೆ ಜಾರಮಾನದೊಂದಿಗೆ ಸ್ಥಳಾಂತರ ಮಾಡಿಸುತ್ತಿದ್ದೇವೆ. ಮೂಲಕ ನಾವೆಂದೂ ಅವರನ್ನು ಕಾಡಿನಿಂದ ಬೇರೆಯಾಗಿ ಮಾಡುವ ಉದ್ದೇಶವಿಲ್ಲ,” ಎಂದು ಹೇಳಿದರು.
ಅವರು ನೀಡಿದ ಮಾಹಿತಿಯ ಪ್ರಕಾರ, ಪುರ‍್ವಸತಿಗೆ ಒಪ್ಪಿಗೆ ನೀಡುವ ಪ್ರತಿ ಕುಟುಂಬಕ್ಕೂ ೧೫ ಲಕ್ಷ ರೂಪಾಯಿ ಪರಿಹಾರವನ್ನು ರ‍್ಕಾರ ನೀಡಲಿದೆ. ಮೊದಲ ಹಂತದಲ್ಲಿ ೧೦ ಲಕ್ಷ ರೂ.ಗಳಷ್ಟು ಮೊತ್ತವನ್ನು ಕೊಡಲಾಗುತ್ತದೆ. ಆ ಹಣದಿಂದ ಅವರು ಅಲ್ಪ ಪ್ರಮಾಣದ ಭೂಮಿಯನ್ನು ಖರೀದಿಸಬೇಕು. ಭೂಮಿಯ ದಾಖಲೆಗಳನ್ನು ನೀಡಿದ ನಂತರ ಉಳಿದ ಮೊತ್ತವನ್ನು ಬಿಡುಗಡೆ ಮಾಡಲಾಗುತ್ತದೆ ಎಂದು ಡಿಸಿ ವಿವರಿಸಿದರು.