ತೀವ್ರ ಕುತೂಹಲ ಮೂಡಿಸಿದ ರಾಜ್ಯ ಚುನಾವಣೆ ಫಲಿತಾಂಶ
ಕೊನೆ ಗಳಿಗೆ ನಾನಾ ಕಸರತ್ತು, ಸುರ್ವಣಲೋಕದಲ್ಲಿ ಚುನಾವಣಾ ಮಹಾತೀರ್ಪು ಇಂಚಿಂಚೂ ಫಲಿತಾಂಶ
ಬೆಳಗಾವಿ: ತೀವ್ರ ಕುತೂಹಲ ಮೂಡಿಸಿರುವ ರಾಜ್ಯ ಚುನಾವಣೆಯ ಮಹಾತೀರ್ಪು ನಾಳೆ ಹೊರಬಿಳಲಿದ್ದು, 224 ಕ್ಷೇತ್ರದ ಅಭ್ಯರ್ಥಿಗಳ ಹಣೆಬರಹ ನಿರ್ಧಾರವಾಗಲು ಕ್ಷಣ ಗಣನೆ ಶುರುವಾಗಿದೆ. ಸುರ್ವಣಲೋಕದಲ್ಲಿ ಚುನಾವಣಾ ಮಹಾತೀರ್ಪು ಇಂಚಿಂಚೂ ಫಲಿತಾಂಶ ಪ್ರಕಟ ಮಾಡಲಾಗುವುದು.
ರಾಜ್ಯದ ಅಧಿಕಾರದ ಗದ್ದುಗೆಯನ್ನು ಯಾವ ಪಕ್ಷಕ್ಕೆ ಮತ ನೀಡಬೇಕು ಎಂಬುದನ್ನು ಮತದಾರರು ನಿರ್ಧಾರ ಮಾಡಿದ್ದಾರೆ. ಕಣದಲ್ಲಿರುವ ೨೬೧೫ ಅಭ್ಯರ್ಥಿಗಳ ರಾಜಕೀಯ ಭವಿಷ್ಯದ ಹಣೆಬರಹ ನಾಳೆ ಹೊರಬಿಳಲಿದೆ.
೨೬೧೫ ಅಭ್ಯರ್ಥಿಗಳ ಹಣೆಬರಹ ನಿರ್ಧಾರ
ಕಣದಲ್ಲಿರುವ ೨೬೧೫ ಅಭ್ಯರ್ಥಿಗಳ ರಾಜಕೀಯ ಭವಿಷ್ಯವನ್ನು ತಿಳಿಯಲಿದೆ. ಚುನಾವಣೆ ಸಂದರ್ಭದಲ್ಲಿ ಯಾವುದೇ ಅಹಿತಕರ ಘಟನೆಗಳು ಆಗದಂತೆ ನೋಡಿಕೊಳ್ಳಲು ಚುನಾವಣಾ ಕಾರ್ಯಕ್ಕೆ ೨.೨ ಲಕ್ಷ ಪೊಲೀಸರನ್ನು ಬಂದೋಬಸ್ತ್‌ಗಾಗಿ ನಿಯೋಜಿಸಲಾಗಿತ್ತು.
ಬಿಜೆಪಿಯ ೨೨೪, ಕಾಂಗ್ರೆಸ್ ಪಕ್ಷದ ೨೨೩, ಜೆಡಿಎಸ್‌ನ ೨೦೭ ಅಭ್ಯರ್ಥಿಗಳು, ಆಮ್ ಆದ್ಮಿ, ಬಿಎಸ್ಪಿ ಪಕ್ಷಗಳ ಅಭ್ಯರ್ಥಿಗಳು ಹಾಗೂ ಪಕ್ಷೇತರರು ಸೇರಿದಂತೆ ಒಟ್ಟಾರೆ ೨೬೧೫ ಅಭ್ಯರ್ಥಿಗಳು ಸ್ಪರ್ಧಾ ಕಣದಲ್ಲಿದ್ದಾರೆ.
ಈ ಚುನಾವಣೆಯಲ್ಲಿ ಒಟ್ಟು ೫,೩೧,೩೩,೦೫೪ ಅರ್ಹ ಮತದಾರರಿದ್ದು, ಇವರಲ್ಲಿ ಪುರುಷ ಮತದಾರರ ಸಂಖ್ಯೆ ೨,೬೭,೨೮,೦೫೩, ಮಹಿಳಾ ಮತದಾರರ ಸಂಖ್ಯೆ, ೨,೬೪,೦೦೦೭೪ ತೃತೀಯ ಲಿಂಗಿ ಮತದಾರರ ಸಂಖ್ಯೆ ೪,೯೨೭. ಇವರೆಲ್ಲ ನಾಳೆ ರಾಜ್ಯದ ಆಡಳಿತ ಚುಕ್ಕಾಣಿಯನ್ನು ಯಾವ ಪಕ್ಷದ ಕೈಗೆ ನೀಡಬೇಕು ಎಂಬುದನ್ನು ಮತದಾರರು ಬರೆದಿದಾರೆ.
ಕೊನೆ ಗಳಿಗೆ ನಾನಾ ಕಸರತ್ತು
ಮತದಾರರ ಓಲೈಕೆಗೆ ಕೊನೆ ಗಳಿಕೆಯ ಕಸರತ್ತು ನಾನಾ ಕರಾಮತ್ತು
ರಾಜ್ಯ ವಿಧಾನಸಭಾ ಚುನಾವಣೆಯ ಮತದಾನ ಕೊನೆ ಗಳಿಗೆಯಲ್ಲಿ ಮತದಾರರನ್ನು ಓಲೈಸಲು ಅಭ್ಯರ್ಥಿಗಳು ಕೊನೆ ಗಳಿಗೆಯ ಕಸರತ್ತು ಹಾಗೂ ಕರಾಮತ್ತನ್ನು ನಡೆಸಲಾಗಿತ್ತು. ಬಹಿರಂಗ ಪ್ರಚಾರ ಅಂತ್ಯವಾದ ಹಿನ್ನೆಲೆಯಲ್ಲಿ ಅಭ್ಯರ್ಥಿಗಳು ಮತದಾರರನ್ನು ಓಲೈಸಲು “ನಾನಾ ರೀತಿ ಕರಾಮತ್ತು”ಗಳನ್ನು ನಡೆಸಿದ್ದಾರೆ.
ವಿದ್ಯುನ್ಮಾನ ಮತ ಯಂತ್ರ:
ವಿದ್ಯುನ್ಮಾನ ಮತ ಯಂತ್ರಗಳನ್ನು ಜಿಲ್ಲಾ ಕೇಂದ್ರಗಳಲ್ಲಿ ಸ್ಥಾಪಿಸಿರುವ ಸ್ಟ್ರಾಂಗ್ ರೂಂಗಳಲ್ಲಿ ಬಿಗಿ ಪೊಲೀಸ್ ಭದ್ರತೆಯಲ್ಲಿ ಇಡಲಾಗುತ್ತದೆ.
ಮೇ.13 ರಂದು ಸ್ಟ್ರಾಂಗ್ ರೂಂನಿಂದ ಮತ ಏಣಿಕೆ ಕೇಂದ್ರಗಳಿಗೆ ಮತಯಂತ್ರಗಳನ್ನು ಸಾಗಾಣೆ ಮಾಡಿ ಮತ ಏಣಿಕೆ ಮಾಡಲಾಗುತ್ತದೆ.